Turniej Tłumaczy 2019
Stanisław Wyspiański
Jakżeż ja się uspokoję
***
І як я магу супакоіцца –
Калі ў вачах маіх жах
І мыслі мае чагосьці баяцца,
Сэрца трымціць
І вузел у грудзях –
І як я магу супакоіцца.
przełożyła Tatsiana Dorakhava-Mizevich
***
Як жа я супакоюся –
поўныя страху вочы мае,
поўныя жаху думкі мае,
поўнае непакою сэрца маё,
поўныя дрыгацення грудзі мае –
як жа я супакоюся…
przełożyła Hanna Horn
***
Як жа я супакоюся,
Калі вочы мае поўныя страху,
Ды думкі апанаваныя жахам?
Трывогай запоўнена маё сэрца,
А ў грудзях трапятанне б’ецца.
Як жа я супакоюся…
przełożyła Katsiaryna Papkova
Як магу я супакоіцца…
Як магу я супакоіцца –
Мае вочы страхам поўняцца,
А трывогай думкі поўняцца,
У сэрца дыхае бяссонніца,
Грудзі трапятаннем поўняцца –
Ці магу я супакоіцца?…
przełożył Paweł Ostrouch